Vikupóstur stjórnenda

Kæru vinir 

 

Lestrarátakinu lauk í vikunni með uppskeruhátíð. Við vonum að nemendur hafi haft gagn og gaman af.  

 

 

Við stjórnendur höfum ákveðið að leyfa einstaklingum að koma inn í skólann og vinna með nemendum. Þetta eru verkefni sem hafa verið undanfarin ár eins og núna í vikunni kom Þorgrímur Þráinsson með fyrirlestur sinn í 10. bekk. Við viljum ekki taka þetta af nemendum okkar sem eins og þið vitið hafa upplifað mjög skrítinn vetur í skólanum. Þá mun Dóri DNA koma og vinna með nemendum í 5. - 10. Bekk í skapandi skrifum. Það verkefni er eins og undanfarin ár samstarfsverkefni við stjórn Júlíönuhátíðar.  

 

 

Skipulagsdagur verður þann 8. febrúar. Þá munum við fá til okkar Önnu Steinsen frá KVAN. Hún mun vinna með kennurum í svokallaðri Verkfærakistu. En það er hagnýtt námskeið fyrir kennara og annað fagfólk til að vinna með einstaklinga og hópa í samskipta- og félagslegum vanda. Sjá nánar hér: https://kvan.is/product/Verkf%C3%A6rakistan 

 

Að lokum viljum við minna á fræðslu Heimilis og skóla sem verður mánudaginn 1. febrúar kl. 18 í fjarfundi.  

 

Góða helgi  

Berglind og Lilja Írena