Reglur um auglýsingar úr upplýsingakerfi skólans

Reglur Grunnskólans í Stykkishólmi um auglýsingar og útsendingar úr upplýsingakerfi skólans

Að gefnu tilefni hefur Grunnskólinn í Stykkishólmi ákveðið að setja sér reglur um auglýsingar innan skólans og útsendingar auglýsinga og tilkynninga til foreldra í gegnum upplýsingakerfi skólans.

Skólastjóri ber ábyrgð á upplýsingakerfinu í sínum skóla.

Meginhlutverk upplýsingakerfisins er að halda utan um upplýsingar um skólagöngu nemenda svo sem mætingar, ástundun, námsframfarir, námsárangur, heimavinnu og hegðun og miðla þeim til foreldra.
Forstöðumaður félagsmiðstöðvarinnar er með aðgang að kerfinu og notar hann til þess að miðla upplýsingum beint til foreldra um starf félagsmiðstöðvarinnar.

Netföng nemenda eru ekki skráð inn í kerfið sem þýðir að þau fá ekki póst sem sendur er innan kerfisins.

Auglýsingar eru eingöngu leyfðar á veggjum skólans sem tengjast frístundastarfi nemenda

Ekki er leyfilegt að senda út auglýsingapóst í upplýsingakerfinu sem ekki tengist beint skólastarfinu eða frístundastarfi nemenda

Öllu kynningarefni skal leitast við að beina til foreldra en ekki nemenda

Ef koma þarf einhverjum auglýsingum til nemenda, foreldra eða forráðamanna er vinsamlegast bent á Íslandspóst eða aðrar auglýsingaleiðir