Vikupóstur stjórnenda

Kæru vinir  

Við vonum að nemendum hafi þótt fyrirlesturinn hans Hreiðars Haraldssonar fræðandi og áhugaverður. Við þökkum HSH fyrir þetta framtak. 

Þá viljum við minna á að samræmd könnunarpróf verða í 9. bekk mánudaginn 11., þriðjudaginn 12. og miðvikudaginn 13. mars. 

Á mánudaginn verður Ævar vísindamaður hjá okkur í samstarfi við stjórn Júlíönuhátíðar. Hann mun vinna að skapandi skrifum í 4. - 7. bekk. Þá mun hann hitta alla nemendur á sal þar sem hann mun afhenda verðlaun í lestrarátaki skólans. 

Á miðvikudaginn er öskudagur og að vanda verður skóladagurinn í styttra lagi. Nemendur eru búnir í hádegishléinu. Regnbogaland verður opið. Tilkynning frá foreldrafélaginu mun berast varðandi öskudagsskemmtun.  

Á fimmtudag og föstudag er vorfrí og vonum við að þið njótið þess. 

Að lokum viljum við minna ykkur á að horfa á Landann næsta sunnudagskvöld en þá á innslagið frá skákkennslunni að vera sýnt. 

Með Júróvísionkveðjum 

Berglind og Lilja Írena