Vikupóstur stjórnenda
Kæru vinir
Starfsfólk og nemendur eru uppgefnir, glaðir og þakklátir eftir þessa vel heppnuðu árshátíðarviku. Allir höfðu lagt mikið á sig til að gera bæði árshátíðarkvöldin sem glæsilegust og var gaman að uppskera og njóta með ykkur aðstandendum.
Hérna kemur uppgjör fyrir árshátíð GSS 2019
Innkoma = 377.000
Kostnaður = 251.000
Afgangur = 126.00
Lagt inn á reikning hjá eftirfarandi bekkjum:
7. bekk vegna skíðaferðar: 21.000
5. bekk vegna menningarferð: 80.500
Lagt inn á reikning fyrir skíðaferð/menningarferð: 24.500
Hver nemandi í 5. og 7. bekk fær 3500 kr. í styrk upp í skólaferð.
Fyrr á þessu ári sótti skólinn um fjóra styrki í Sprotasjóð. Alls bárust sjóðnum 100 umsóknir og fengu aðeins 44 þeirra styrk. Okkur er því sönn ánægja að tilkynna ykkur að við fengum þrjá! Verkefnin heita Sköpun - til að hver nemandi fái að sýna hvað í honum býr, Jákvæð menntun og Hvað ungur nemendur, gamall temur sem er íslenskuverkefni á unglingastigi. Það er því með mikilli gleði sem við höldum áfram að undirbúa næsta skólaár.
Þriðjudaginn 2. apríl verður dagur einhverfunnar haldinn hátíðlegur og viljum við biðja alla um að mæta í bláum fötum, því lífið er blátt á mismunandi hátt.
Góða helgi,
Berglind og Lilja Írena
Allir höfðu lagt mikið á sig til að gera bæði árshátíðarkvöldin sem glæsilegust og var gaman að uppskera og njóta með ykkur aðstandendum.