Skólasókn
Skólasókn nemenda er mikilvægur þáttur í skólastarfi til að halda utan um raunmætingu nemenda í skólann.
Í upphafi hvers skólaárs hefja nemendur árið með fullnægjandi skólasókn. Seinkoma, fjarvist í kennslustund eða brottvikning telja allt til stigaskráningar. Leyfi og veikindi eru skráð í dögum en teljast ekki til einkunnar skólasóknar.
Tilgangur þess að vinna að reglum um ástundun nemenda er til að minnka óþarfa fjarvistir, skólaforðun og þá auknu tilhneigingu að minnkandi skólasókn sé samfélagslega samþykkt í formi fjölda leyfisdaga á skólatíma. Skólasókn nemenda er ávallt á ábyrgð foreldra og ber starfsfólki ekki skylda til að þjónusta einstaka nemendur sérstaklega vegna fjarvista frá skóla. Verum samstíga og vinnum að því að jafna stöðu nemenda með góðri skólasókn.
Skólasókn er skilgreind sem:
-
Viðunandi: Fjarvist í 9 daga eða færri.
-
Hættumerki: Fjarvist í 10-17 daga.
-
Langvarandi fjarvera: Fjarvist í 18+ daga.
Veikindi og leyfi eru talin í heilum dögum. Þetta á þó engöngu við þegar ekki liggja fyrir eðlilegar og viðeigandi skýringar á fjarvistum. Miðað er við 180 skóladaga á skólaári.
- Seinkoma telur 1 stig
- Fjarvist > 20 - 40 mín telur 2 stig
- Fjarvist > 40 - 60 mín telur 3 stig
- Brottvikning úr tíma telur 2 stig
Hvað getur foreldri gert?
- Kennt barninu þínu strax í leikskóla að hver dagur skiptir máli og að það skiptir máli að mæta á réttum tíma.
- Haldið reglu á háttatímum og gætt þess að barnið fái nægan svefn.
- Haft öll föt og gögn tiltæk fyrir barnið kvöldið áður svo sem bækur, ritföng, íþrótta- og sundföt.
- Auðveldað aðlögun með því að hitta nýjan kennara með barninu.
- Gætt þess að halda barninu ekki heima nema það sé raunverulega veikt. Höfuð- eða magaverkir geta veirð merki um kvíða en þurfa ekki endilega að vera ástæða til að vera heima.
- Talað við kennarann ef barnið viðrist kvíðið því að fara í skólann.
- Reynt að raska skóladeginum sem minnst vegna annarra erinda svo sem læknisheimsókna og öðru slíku.
Ferli vegna stiga og daga v. veikinda/leyfa, seinkomu og fjarvista
