Glæsilegt jólatré

Jólatré skólans stendur hið glæsilegasta í anddyri skólans. Það voru nemendur 4.bekkjar sem fóru með Ásdísi útikennslukennara í leiðangur til að velja tré skólans og koma því úr skóginum og hingað til okkar í skólann. Elstu nemendur skólans hafa svo það hlutverk að setja seríur á tréð og skreyta það en allt skrautið sem fer á tréð hefur verið unnið af nemendum skólans á síðustu árum. Tréð í ár er fallega skreytt og var gaman að fylgjast með nemendum sem komu í litlum hópum til að vinna verkefnið og það skipti alla hópa miklu máli að vanda vel til verka.
Sleðann gerði Guðjón smíðakennari.