Stök frétt

Vikupóstur stjórnenda

Kæru vinir

Þessi vika hefur verið heldur betur viðburðarík. Við þurftum eins og þið vitið að hólfaskipta skólanum með mjög stuttum fyrirvara. Í stuttu máli gekk það eins og í sögu.

Tilkynningar

Í dag og í gær þreyttu nemendur 7. bekkjar samræmd könnunarpróf í íslensku og stærðfræði og stóðu sig með prýði. Við erum ánægð með að hafa geta komið þeim fyrir í nýja hólfaskipta skipulaginu okkar á þokkalegan hátt.

Í síðustu viku sögðum við ykkur frá heimanáminu. Það gleymdist að taka það fram að það er fyrir nemendur i 5. - 10. bekk.

Í viðhengi eru upplýsingar sem við vorum beðnar um að koma á framfæri við ykkur um fjarkennslunámskeið í félagsfærni fyrir börn, unglinga og foreldra þeirra.

Í ljósi ástandsins fellur danskennsla niður um óákveðinn tíma. 


Á döfinni

Eftir hádegi í dag og á morgun mun hluti kennara og stjórnenda taka þátt í námskeiði á vegum UTÍS sem snýr að því að auka notkun tölvutækni og nýsköpunar í námi. Við erum reglulega spennt fyrir því.

Í næstu viku munu nemendur 4. bekkjar þreyta samræmd könnunarpróf í íslensku og stærðfæði.

Njótið helgarinnar og passið vel upp á ykkur og hafið það notalegt með börnunum ykkar

Berglind og Lilja Írena